الأحد، 19 أغسطس 2012

البقلاوة


المقادير :

4كيلات فرينة
كيلة ليدام ذايبة وباردة
كيلة ماء الزهر+ماء
قرصة ملح

الحشو:

3كيلات لوز
كيلة سكر
ملعقة صغيرة قرفة
ماء الزهر
2مغارف زبدة
 
لعسيل مخفف بشويا  ماء الزهر

طريقة التحضير:

ضعي الفرينة في صحن في الوسط حفرة ضيفيلها الزبدة مع قرصة ملح وادمجيها مليح وحكي بين يديك باش تتدخل فيها الزبدة وليميها بماء الزهر وخليها ترتاح مدة
في نفس الوقت حضري الحشو 3كيلات لوز +كيلة سكر+القرفة+ 2 ملاعق ليدام ورشيها بماء الزهر ماشي بزاف رمليها برك
تم بداي تحلي العجينة بعد مادهنتي المول ديالك وبني طبقة واخرى ادهنيها بليدام بواسطة فرشات حتي توصلي الى 6او7 طبقات ثم ماتدهيهاش ديري الحشو وسوي السطح بدون ضغط
وكملي العملية حتى توصلي 6 طبقات قطعيها معينات اومربعات انقشي كل حبة وديري حبة لوز في وسطها وادهنيها مليح باليدام خليها ليلة ترتاح وطيبيها في فرن 160° ملتحت حوالي 45 دقيقة غير تخرجيها ملئيها بالعسيلة تكون باردة رجعيها للفرن تكوني طفيتيه خليها 5دقائق ونحيها وخليها24 ساعة تتشرب بعدين قطعيها وديريها في حاويات خاصة بالبقلاوة
 

هناك 3 تعليقات:

  1. يعطيك الصحة وربي يبعد عليك العين ويرزقك الدرية الصالحه

    امينننن

    موني *رضاك يالله*

    ردحذف
  2. هاذي البقلاوة الاصلية

    ردحذف