حلوة المعمول بالفرينة و الملفوف

درت بنفس لعجينة نوعين،الاول وهي الطريقة العادية لهاد الحلوة والنوع الثاني شكلتها بطريقة مختلفة وحشو مختلف على الاولى

المقادير:

250غ زبدة
كاس ونصف سكرڤلاص
نصف كاس زيت
كاس ميزينة 
2 بيضات
4 مغارف كاكاو
نصف ش خمارة ،لفاني

الحشوالاول: 
كمية من النواة كوكو 
مغرف زبدة ذيبة وشمخيه بالعسيلة وإذا حبيتي تولونيه بالوردي ولاتخليه ابيض(للحلوة الاصلية)

الحشو الثاني:
 حلوة الترك معاه شويا كونفيتور حتي تكوني عجينة طرية(هداخاص للحلوة الثانية بالشكولاطة)

طريقة التحضير:

امزجي الزبدة مع السكر جيدا ريدي الزيت وخلطي زيدي البيض وخلطي الكاكاو والميزينة وبدي تزيدي الفرينة والخميرة ولفاني حتى تتحصلي على عجينة متماسكة
شكليها كويرات دري حشو النواة كوكو في الوسط وديريهافي طابع المعمول طيبها في فرن 180 د من الاسفل ،غير تحمار من الاسفل نحيها
ورمديها في سكر ڤلاص
اما الطريقة الثانية حليت لعجينة في وسط كيس بلاستيكي درت الحشو فوقها ولويتها حربوش وشكلتها لقروطات او اسطونات وطيبتا كي طابت وبردت غطستها فالشكولا